شیخوپورہ (نمائندہ نوائے وقت) مسلم لیگ (ن) کے ضلعی صدر و سابق رکن صوبائی اسمبلی محمد عارف سندھیلہ نے کہا  کہ میاں نواز شریف کو پارٹی صدر بننے پر ہم دل کی گہرائیوں سے مبارکباد پیش کرتے ہیں۔ میاں نواز شریف عوام کے دلوں پر راج کرتے ہیں، ان کے پارٹی صدر بننے سے عوام میں پائی جانے والی خوشی و مسرت ان کی مقبولیت کا ثبوت ہے۔ میاںنواز شریف نہ صرف پارٹی سرگرمیوں کو فروغ دینے کے ساتھ جمہوری اقدار کو فروغ دیں گے بلکہ ملکی معیشت کی بحالی کیلئے بھی بھرپور کردار ادا کریں گے۔ انہوں نے کہا کہ ایٹمی پروگرام کی پوری ٹیم خراج تحسین کی مستحق ہے جنہوں نے دن رات ایک کر کے پاکستان کے ایٹمی پروگرام کو کامیابی سے ہمکنار کیا۔