لاہور(سپورٹس رپورٹر)آسٹریلیا سے ہونے والی والی بال سیریز کے پہلے میچ میں پاکستان نے فتح اپنے نام کرتے ہوئے ایک صفر سے برتری حاصل کرلی۔ پاکستان سپورٹس کمپلیکس کے لیاقت جمنازیم میں کھیلے جانیوالے پہلے میچ میں گرین شرٹس نے کینگروز کیخلاف شاندار کھیل پیش کیا۔قومی والی بال ٹیم نے میچ کے تین سیٹ پچیس بائیس، پچیس بائیس اور پچیس بیس سے جیتے۔ تین میچوں کی سیریز کا دوسرا میچ آج کھیلا جائیگا۔والی بال میچ دیکھنے کیلئے شائقین کی بڑی تعداد موجود تھی جنہوں نے قومی کھلاڑیوں کی حوصلہ افزائی کی۔