لاہور(سپورٹس رپورٹر)پاکستان آسٹریلیا والی بال سیریز میں پاکستان نے آسٹریلیا کو تیسرے میچ میں شکست دے کر وائٹ واش کردیا۔پاکستان نے سیریز کے تیسرے اور آخری میچ میں آسٹریلیا کو 0-3سیٹ سے شکست دیکر سیریز اپنے نام کرلی، قوم والی بال ٹیم نے تیسرا میچ 24-26، 20-25، 20-25پوائنٹس سے جیتا۔پاکستان نے پہلے اور دوسرے میچ میں بھی آسٹریلیا کو0-3سیٹ سے شکست دی تھی۔سیریز کے اختتام پر منعقدہ تقریب کے مہمان خصوصی اور وزیراعظم یوتھ پروگروام کے چیئرمین رانا مشہود نے انعامات تقسیم کیے۔آسٹریلیا کی والی بال ٹیم آج اسلام آباد سے بحرین روانہ ہو جائیگی۔آسٹریلیا کی والی بال ٹیم کو سخت سکیورٹی میں ائیرپورٹ لے جایا جائیگا۔ پاکستان نے3میچوں کی والی بال سیریز جیت لی جو کہ اپ سیٹ ہے۔والی بال کی عالمی رینکنگ میں آسٹریلیا 35ویں جبکہ پاکستا ن 49ویں نمبر پر ہے ۔