گجرات ( نامہ نگار) مکان میں آتشزدگی کے باعث باپ چار بچوں اور بھتیجے سمیت جھلس گیا دو کمسن بچے جھلس کر جان کی بازی ہار گئے‘ محلہ اسلام پورہ لالہ موسیٰ کے رہائشی محمد نعیم کے8سالہ سنگل سٹوری مکان میں اچانک شارٹ سرکٹ کے باعث آگ بھڑک اُٹھی جس نے نزدیکی گزرتے ہوئے پلاسٹک کے گیس پائپ لائن کو لپیٹ میں لیا تو آگ کی شدت میں اضافہ ہو گیا اور چھ افراد اسکی لپیٹ میں آگئے  جس سے 8سالہ بچی مسکان ، 6سالہ محمد موسیٰ  جل کر کوئلہ بن گئے جبکہ 60سالہ نعیم ،16سالہ رحمت اللہ ، 12سالہ طیب اور 17سالہ عبدالرحمن شدید زخمی ہو گئے جنہیں ہسپتال منتقل کر دیا گیا ۔