لاہور(سپورٹس رپورٹر)ٹی ٹونٹی ورلڈ کپ 2024 ء میں پاکستان بھارت مقابلے کیلئے آئی سی سی نے 6 ہاسپٹلٹی پیکجز کے ٹکٹس کی قیمتیں جاری کردیں جن میں ڈائمنڈ کلب، کیباناس، پریمیئم کلب، لاونجز، کارنر کلب، پویلین کلب اور باونڈری کلب شامل ہیں۔ 9 جون کو نیویارک میں ہونے والے میچ کے وی آئی پی کے ٹکٹ کی قیمت لاکھوں روپے تک جا پہنچی ہے، آئی سی سی نے اس میچ کیلئے چھ ہاسپٹلٹی کلبز کے ٹکٹوں کی قیمتیں جاری کردیں۔سب سے مہنگا ٹکٹ ڈائمنڈ کلب ہے جو پاکستانی 27 لاکھ اسی ہزار روپے سے زائد کا ہے۔ پریمیئم کلب کے ٹکٹ کی قیمت 6 لاکھ 95 ہزار پاکستانی روپے رکھی گئی ہے۔کارنر کلب کے ٹکٹ کی قیمت 7 لاکھ 64 ہزار روپے ہے، ان تین کلبز کے ٹکٹس آئی سی سی کی آفیشل ویب سائٹ پر دستیاب ہیں۔