لاہور(سپورٹس رپورٹر)ٹی20 ورلڈکپ کیلئے امریکہ پہنچنے والے قومی کرکٹرز کرکٹ بھول کر بْل رائیڈنگ کا مزہ لینے سٹیڈیم پہنچ گئے۔سماجی رابطے کی سائٹ ایکس (ٹوئٹر) پر قومی ٹیم کے کھلاڑیوں کی تصویر وائرل ہورہی ہے جس میں دیکھا جاسکتا ہے کہ فاسٹ بائولر عباس آفریدی، حارث رؤف اور شاداب خان امریکہ کے مقبول کھیل بْل رائیڈنگ سے لطف اندوز ہورہے ہیں۔قومی کرکٹر عباس آفریدی نے انسٹاگرام پر ویڈیو بھی شیئر کی ہے جس میں دیکھا جاسکتا ہے کہ شاداب خان، شاہین شاہ آفریدی، عثمان خان، افتخار احمد، نسیم شاہ اور حارث رؤف موجود ہیں۔