کیف(این این آئی)روس کے میزائل اور ڈرونز حملوں میں یوکرائنی کے پانچ خطوں میں توانائی کے بنیاد ڈھانچے تباہ ہوگئے۔غیرملکی خبررساں ادارے کے مطابق یوکرینی حکام نے روسی حملوں میں ہونے والے نقصان کی تصدیق کی ہے۔ یوکرین کے قومی گرڈ آپریٹر یوکرینرگو نے کہا کہ حملے مشرقی ڈونیٹسک، جنوب مشرقی زاپوریزیا اور دنیپروپیٹروسک علاقوں کے ساتھ ساتھ ملک کے مرکز اور مغرب میں بالترتیب کیرووہراد اور ایوانو فرینکیوسک کے علاقے میں تنصیبات کو نشانہ بنایا گیا۔انہوں نے کہا کہ اتوارکی صبح روسیوں نے یوکرین کی توانائی کی تنصیبات پر ایک اور حملہ کیا۔ مارچ سے لے کر اب تک یہ شہری توانائی کے بنیادی ڈھانچے کے خلاف چھٹا بڑاحملہ تھا۔فضائیہ کے کمانڈر نے بتایا کہ یوکرین کے فضائی دفاع نے 53 میں سے 35 روسی میزائل اور 47 میں سے 46 روسی ڈرون کو مار گرایا۔