اسلام آباد(خبرنگار) وزیراعظم کی ہدایت پر ڈیپارٹمنٹل اسپورٹس کی بحالی پر عملی اقدامات زرعی ترقیاتی بینک کے صدر طارق یعقوب کی وفد کے ہمراہ وفاقی مشیر رانا ثنااللہ سے ملاقات ہوئی ملاقات میں وفاقی سیکرٹری ندیم ارشاد کیانی اور سپورٹس بورڈ کے اعلی حکام بھی شریک ہوئے ملاقات میں نیشنز کپ کے مقابلوں میں شریک پاکستان ہاکی ٹیم نے پولینڈ سے آن لائن شرکت کی مشترکہ اعلامیہ میں کہا گیا کہ پاکستان ہاکی ٹیم کے دو کھلاڑیوں کو زرعی ترقیاتی بینک میں ملازمت دے دی گئی کھلاڑیوں میں منیب الرحمن اور احتشام اسلم شامل ہیںزرعی ترقیاتی بینک کے صدر طارق یعقوب نے اپوانمنت لیٹر وفاقی مشیر رانا ثنااللہ کے سپرد کئے مشیر وزیراعظم رانا ثناء اللہ خاں نے شعبہ جاتی کھیلوں کی بحالی ، وزیراعظم کی کھیلوں کے شعبے پر خصوصی توجہ کا نتیجہ ہے محکمانہ ٹیموں نے تاریخی طور پر ٹیلنٹ کی شناخت اور پرورش میں اہم کردار ادا کیا ہے شعبہ جاتی کھیل کھلاڑیوں کو منظم تربیت، مسابقتی مواقع اور مالی مدد فراہم کریں گے شعبہ جاتی کھیلوں کی بحالی سے کھلاڑی مالی خدشات کے بغیر اپنی ترقی اور کارکردگی پر توجہ مرکوز کر سکیں گے