لاہور(نامہ نگار)شہر کے مختلف علاقوں میں ڈاکوؤں ‘ چوروں نے چوری و ڈکیتی کی وارداتوں میں متعدد شہریوں سے لاکھوں روپے زیورات،موبائل فون، موٹر سائیکلیں،گاڑیاں اور دیگر سامان لوٹ لیا۔ ڈاکوؤں نے جوہر ٹاؤن میں صغیر کے گھر میں گھس کراہلخانہ کو گن پوائنٹ پر یرغمال بنا کر6 لاکھ 70 ہزار‘ زیورات،موبائل فون دیگر سامان،شمالی چھاؤنی میں غفار کی فیملی سے 4لاکھ26ہزار ‘ زیوارات ‘ موبائل فون،مانگا منڈی میں سلیمان سے ایک لاکھ 65 ہزار‘ موبائل فون،اقبال ٹاؤن میں کامران سے98ہزار ‘ موبائل فون،گلشن راوی میں ساجد سے82 ہزار‘موبائل فون، شاہدرہ میں عامر سے60 ہزار ‘ موبائل فون، نواں کوٹ میں یوسف سے 48ہزار ‘موبائل فون، سول لائن میں عصمت سے22 ہزار‘ موبائل فون لوٹ لیا۔چوروں نے قا اعظم انڈسٹریل اسٹیٹ میں نعیم کے گھر کے تالے توڑ کرسوا 5 لاکھ ‘ زیوارات ‘سامان چوری کرلیا۔چوروں نے گلبرگ،ڈیفنس سی اور ماڈل ٹاؤن سے3 گاڑیاں،باغبانپور سے رکشہ جبکہ راوی روڈ، مسلم ٹاؤن، گڑھی شاہو، ریس کورس، پرانی انارکلی، کاہنہ، مانگا منڈی ‘ فیکٹری ایریا سے 8موٹر سائیکلیں چوری کرلی۔