ٹی 20ورلڈ کپ‘آج 4 میچ ہونگے
لاہور(سپورٹس رپورٹر)آئی سی سی مینز ٹی 20ورلڈ کپ میںآج مزید چار میچ کھیلے جائیں گے۔پہلا میچ گروپ سی کی ٹیموں نیوزی لینڈ اور افغانستان کے درمیان پروویڈنس سٹیڈیم، گیانا میں کھیلا جائیگا۔دوسرے میچ میں گروپ ڈی کی ٹیمیں سری لنکا اور بنگلہ دیش پنجہ آزمائی کریں گی ، یہ ورلڈ کپ کا 15واں میچ ہوگا جو گرینڈ پریری سٹیڈیم، ڈیلاس میں کھیلا جائیگا۔تیسرا میچ گروپ ڈی کی ٹیموں نیدرلینڈز اور جنوبی افریقہ کے درمیان ناسائو کائونٹی انٹرنیشنل کرکٹ سٹیڈیم، نیویارک میں کھیلا جائیگا۔چوتھا میچ گروپ بی کی ٹیموں آسٹریلیا اور انگلینڈ کے درمیان کینسنگٹن اوول، برج ٹائون، بارباڈوس میں کھیلا جائیگا۔
