قصور: موٹر سائیکل چور گینگ کا سرغنہ 2 ساتھیوں سمیت گرفتار
قصور (نمائندہ نوائے وقت) تھانہ اے ڈویژن پولیس نے موٹر سائیکل چور گینگ کے سرغنہ کو 2 ساتھیوں سمیت گرفتار کر لیا۔ ملزمان کے قبضہ سے لاکھوں روپے مالیت کی 12 موٹر سائیکل برآمد کر لی گئیں۔ تفصیل کے مطابق تھانہ اے ڈویژن پولیس نے ایس ایچ او فہد رضا کی سربراہی میں کارروائی کرتے ہوئے موٹر سائیکل چور گینگ کے سرغنہ کاشف عرف کاشی کو دو ساتھیوں سمیت گرفتار کر لیا۔ ایس ایچ او فہد رضا نے بتایا کہ ملزموں نے شہر بھر میں موٹر سائیکل چوری کی وارداتوں کا بازار گرم کر رکھا تھا۔
