لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے جنوبی چھاؤنی کے علاقے میں نعمان کے گھر گھس کر اہلخانہ کو یرغمال بنا کر 6لاکھ روپے مالیت کی نقدی، طلائی زیورات، موبائل فون اور دیگر سامان، باٹا پور کے علاقے میں عباس سے 3 لاکھ 40 ہزار روپے اور موبائل فون، غازی آباد میں احد سے 3 لاکھ نقدی اور موبائل فون، مصطفی آباد میں فقیر حسین سے 2 لاکھ 40 ہزار روپے اور موبائل فون، فیکٹری ایریا میں نور سے 2 لاکھ روپے،شفیق آباد کے علاقے میں کاشف سے  75ہزار روپے اور موبائل فون، مصطفی آباد کے علاقے میں عادل  سے 55ہزار روپے اور موبائل فون، ٹاؤن شپ کے علاقے میں فرقان سے 70ہزار روپے اور موبائل فون، اسلام پورہ کے علاقے میں جبار سے 20ہزار روپے اور موبائل فون، چوہنگ کے علاقے میں منیر سے 10ہزار روپے اور موبائل فون لوٹ لیا۔ چوروں نے باٹا پور علاقے میں عمر رحمن کے گھر کے تالے توڑ کر 5 لاکھ 10ہزار روپے مالیت کے طلائی زیورات اور نقدی‘  فیصل ٹاؤن، ہنجروال، غالب مارکیٹ اور برکی کے علاقوں میں سے 4 کاریں، مزنگ کے علاقے میں سے رکشہ جبکہ لوئر مال، شفیق آباد، مصری شاہ، باغبانپورہ، شاہدرہ، بھاٹی گیٹ، نولکھا، مصطفی ٹاؤن، نصیر آباد، راوی روڈ اور شیراکوٹ کے علاقوں میں سے 11 موٹر سائیکلیں چوری کر لیں۔