فیروزوالہ( نامہ نگار) جی ٹی روڈ پر ٹریفک کے مختلف حادثات میں 10 افراد زخمی ہو گئے۔ رانا ٹاون کے قریب دو رکشے ٹکرانے سے 3 افراد زخمی ہو گئے۔برساتی نالہ کے قریب تیز رفتار ٹرک نے بے قابو ہوکر کیری ڈبہ کو ٹکر ماردی جس کے نتیجہ میں کیری ڈبہ میں سوار 6افراد زخمی ہوگئے جنہیں ہسپتال منتقل کردیا، زخمیوں میں عبدالرؤف، طیبہ، علی حسن، ریاست، بوٹا اورشمیم بی بی شامل ہیں۔ لاہور سے فیصل آباد جانے والی ٹرین کی زد میں آکر خاتون زخمی ہو گئی ۔ریسکیو اہلکاروں نے زخمی خاتون کو تشویشناک حالت میں ہسپتال منتقل کردیا، خاتون کی شناخت 45سالہ شبانہ بی بی کے نام سے ہوئی ہے جو شرقپور روڈ کی آبادی پیر کوٹ کی رہائشی بتائی گئی ہے۔