قصور(نمائندہ نوائے وقت)قصور و گردونواح سے دو خواتین اغواء پولیس نے دونوں الگ الگ مقدمات درج کر لیے ۔قصور کے نواح چک 65کے رہائشی مرید حسین نے پولیس تھانہ میں مقدمہ درج کروایا ہے کہ ہم اپنے عزیزوں کے گھر ملنے کے لیے گئے ہوئے تھے میری 17سالہ بیٹی (ع) بی بی گھر میں اکیلی موجود تھی واپسی گھر پر دیکھا تو موجود نہ تھی اپنے طور پر پتہ جوئی کی مگر کوئی سراغ نہ ملا ہے اسے تلاش کیا جائے۔پولیس تھانہ کوٹ رادھا کشن مصروف کاروائی ہے جبکہ شہزاد عابد نے بھی پولیس تھانہ میں مقدمہ درج کروایا ہے کہ چند روز قبل میرا بھتیجا اپنی چیچی (س) بی بی کو پکی حویلی سٹاپ پر بلھے شاہ ڈسٹرکٹ ہسپتال جانے کے لیے اتار کر آیا جو تاحال گھر کو نہیں پہنچی اسے تلاش کیا جائے۔پولیس تھانہ مصطفی آباد مصروف تفتیش ہے۔