لاہور(سپورٹس رپورٹر)کھیلوں کے میدان سے پاکستان کیلئے اچھی خبر پاکستان انڈر18 والی بال ایشین ٹورنامنٹ میں چیمپئن بن گیا۔ فائنل میں گرین شرٹس نے ایران کوشکست دی۔ ازبکستان میں کھیلے جانیوالے ایونٹ میں پاکستان نے پہلی بارانڈر18 والی بال چیمپین شپ کا ٹائٹل جیت لیا۔ فائنل میں پاکستان نے ایران کو ایک کے مقابلے میں 3 سیٹ سے شکست دی۔ جس کاسکور 20، 25، 25، 18، 25، 23، 27، 25 رہا۔ پاکستان والی بال فیڈریشن کے چیئرمین چوہدری یعقوب نے جونیئر ٹیم کو شاندار کامیابی پرمبارکباد دی۔ پاکستان کے طلال، محمد یحییٰ اور جبران ٹورنامنٹ کے بہترین کھلاڑی قرار پائے۔