لاہور (سپورٹس رپورٹر)پاکستان کرکٹ بورڈ نے اگلے سال پاکستان میں ہونیوالی چیمپئنز ٹرافی کا شیڈول حتمی منظوری کیلئے آئی سی سی کو بھیج دیا ہے۔شیڈول کے مطابق ٹورنامنٹ 19 فروری سے 9مارچ تک کراچی، لاہور اور راولپنڈی میں منعقد ہو گا۔ بھارتی ٹیم اپنے تمام میچ قذافی سٹیڈیم لاہور میں کھیلے گی۔فائنل سمیت 7 میچز لاہور میں ہوں گے جبکہ کراچی کا نیشنل سٹیڈیم افتتاحی میچ اور ایک سیمی فائنل کی میزبانی کرے گا۔ کراچی میں مجموعی طور پر 3 میچز ہوں گے۔ پنڈی ایک سیمی فائنل سمیت 5 میچوں کی میزبانی کرے گا۔ ایونٹ میں مجموعی طور پر 15میچز کھیلے جائیں گے۔قذافی سٹیڈیم میں پی سی بی ہیڈ کوارٹر کی جگہ جدید کارپوریٹ باکسسز بنائے جائیں گے۔