کراچی (نوائے وقت رپورٹ) کراچی میں بھتہ خوری کا نیٹ ورک چلانے والا کالعدم ٹی ٹی پی کا دہشت گرد مارا گیا۔ پولیس کے مطابق فائرنگ کے تبادلے میں دہشت گرد صادق عرف بلال عرف قاری عرف افغانی مارا گیا۔ ہلاک دہشت گرد کے قبضے سے ہینڈ گرنیڈ اور کلاشنکوف برآمد ہوئی ہے۔ ملزم کے افغانستان میں ٹی ٹی پی کے اہم کمانڈر سے مضبوط روابط تھے۔ ہلاک دہشت گرد ٹی ٹی پی دہشت گرد عصمت اﷲ عرف مسعود کا قریبی ساتھی تھا اور کراچی میں قتل کی 5 مختلف وارداتوں میں ملوث رہ چکا ہے۔ ضلع سینٹرل اور ایسٹ کے مقدمات میں پولیس کو مطلوب تھا۔