لاہور (نامہ نگار) ڈکیتی اور چوری کی وارداتوں میں متعدد شہریوں سے لاکھوں روپے مالیت کی نقدی، زیورات، موبائل فون، موٹر سائیکلیں، گاڑیاں اور اور دیگر سامان لوٹ لیا گیا۔ تفصیلات کے مطابق ڈاکوؤں نے ہنجروال کے علاقے میں عابد کے گھر  گھس کر اہلخانہ کو  یرغمال بنا کر 5لاکھ 30 ہزار روپے مالیت کی نقدی، طلائی زیورات اور موبائل فون، برکی میں شرجیل  سے 2 لاکھ 65 ہزار نقدی اور موبائل فون، شالیمار میں ذوالفقار سے 2 لاکھ 45 ہزار نقدی اور موبائل فون، مصطفی آباد میں جمیل سے 2 لاکھ 20 ہزار کی نقدی اور موبائل فون۔ نصیر آباد میں خاور  سے ڈیڑھ لاکھ نقدی اور موبائل فون۔ کوٹ لکھپت میں عابد سے ایک لاکھ نقدی اور موبائل فون۔ یکی گیٹ میں رشید سے 1 لاکھ نقدی اور موبائل فون۔شادمان میں اسلم  سے 23ہزار نقدی اور موبائل فون، کاہنہ میں اعظم سے 14ہزار روپے، موبائل فون لوٹ لیا۔ چوروں نے ڈیفنس، گلبرگ اور شادمان  کے علاقوں میں سے سے گاڑیاں جبکہ راوی روڈ، شیراکوٹ، نولکھا، اسلام پورہ، شاہدرہ اور ٹاؤن شپ کے علاقوں میں سے موٹر سائیکلیں چوری کر لیں ہیں۔