ریلوے کا عید پر کرایوں میں 25 فیصد کمی کا اعلان
لاہور (نوائے وقت رپورٹ) پاکستان ریلویز نے عید الاضحیٰ پر کرایوں میں 25 فیصد رعایت کا اعلان کر دیا۔ ترجمان ریلوے کے مطابق کرایوں میں رعایت ریلوے کے زیرِ انتظام تمام مسافر ٹرینوں کی تمام کلاسز پر ہو گی۔ کرایوں میں رعایت عید کے تین دنوں کے لیے میسر ہو گی۔ رعایت کا اطلاق صرف کرنٹ بکنگ پر ہو گا جبکہ عید سپیشل ٹرینوں پر سفر کرنے والے مسافر رعایت سے مستفید نہیں ہو سکیں گے۔
