قومی ہاکی ٹیم نیشن کپ میں شرکت کے بعد وطن واپس پہنچ گئی
لاہور (سپورٹس رپورٹر )پاکستان ہاکی ٹیم پولینڈ میں جاری ایف آئی ایچ کے زیر اہتمام نیشن کپ میں شرکت کے بعد قائد اعظم انٹرنیشنل ائیرپورٹ کراچی پہنچ گئی۔وطن واپسی پر وزیراعظم یوتھ پروگرام کے چیئرمین رانا مشہور علی کی ہدایات پر ایچ ای سی کے ڈائریکٹر سپورٹس جاوید میمن، سرسید یونیورسٹی کے ڈائریکٹر سپورٹس و سابق انٹرنیشنل ہاکی پلیئر مبشر مختار ، کسٹم آفیسر و سابق انٹرنیشنل ہاکی پلیئر محمد علی و دیگر معززین نے پرتپاک استقبال کیا پھولوں کا گلدستہ پیش کیا۔اس موقع پر ایچ ای سی کے ڈائریکٹر سپورٹس جاوید میمن نے قومی ٹیم کو بہترین پرفارمنس دکھانے پر مبارکباد پیش کی۔
