بچیکی (نامہ نگار) بچیکی اور گردو نواح میں ڈکیتی اور چوری کی وارداتیں، شہری لاکھوں روپے سے محروم ہو گئے۔ تھانہ بڑا گھر کی حدود میں ڈاکوؤں نے بچیکی ڈیموں والہ روڈ پر قعلہ روپ سنگھ کے رہائشی دکاندار امجد سے 10ہزار روپے چھین لئے۔7چک کے قریب حسنین شاہ سے موٹر سائیکل سوار ڈاکوؤں نے 20ہزار روپے ‘ موبائل چھین لیا۔ بچیکی ننکانہ روڈ پر ملک احسن سے ڈاکوؤں نے ملک احسن کور روک کر دو لاکھ پندرہ ہزار روپے چھین لئے۔ نواحی گاؤں اٹاری شام سنگھ میں چور راجہ جمشید کے گھر سے طلائی زیورات لے گئے۔موٹروے لنک روڈ چک نمبر 641 کے قریب سے ڈھاری چھینہ کے رہائشی طارق چھینہ کے ڈیرہ کے باہر سے چور 6 بکرے لے گئے ۔شہریوں نے آئی جی پنجاب پولیس سے نوٹس لینے کا مطالبہ کیا ہے۔