لاہور(سپورٹس رپورٹر)انٹرنیشنل کرکٹ کونسل کے زیر اہتمام آئی سی سی مینز ٹی 20ورلڈ کپ میں آج مزید 2میچوں کا فیصلہ ہوگا ،پہلا میچ گروپ سی کی ٹیموں میزبان ویسٹ انڈیز اور نیوزی لینڈ کے درمیان برائن لارا سٹیڈیم تاروبا ٹرینیڈاڈ میں کھیلا جائیگا۔دوسرے میچ میں گروپ ڈی کی ٹیمیں بنگلہ دیش اور نیدرلینڈز پنجہ آزمائی کریں گی ، یہ ورلڈ کپ کا 27واں میچ ہوگا جوآرنوس ویل گراونڈ کنگسٹاون سینٹ ونسنٹ میں کھیلا جائیگا۔بنگلہ دیشی ٹیم دو میچز کھیل چکی ہے اور اس کو ایک میں فتح اور دوسرے میں شکست کا سامنا کرنا پڑا۔