لاہور‘ننکانہ صاحب ‘سمبڑیال (نامہ نگاران ‘نمائندہ  نوائے و قت) اے این ایف نے5 مختلف کاروائیوں میں 182 کلو سے زائد منشیات برآمد کرکے 7 ملزمان  گرفتار کئے،راولپنڈی  میں واقع کارگو آفس سے کینیا  بھیجے جانے والے پارسل سے 4 کلو آئس برآمد کی گئی۔خوشاب میں ملزم سے 88.8 کلو چرس اور 700 گرام افیون برآمد کی گئی۔ایم ون موٹروے اسلام آباد  کے قریب دو خواتین سمیت ملزم سے 22.8 کلو چرس اور  2 کلو افیون برآمد کی گئی۔جوہر ٹاؤن لاہور میں دو ملزمان سے 22.8 کلو افیون، 19.2 کلو چرس اور 500 گرام آئس برآمد کی گئی۔کوئٹہ میں رکشے سے 21.6 کلو چرس برآمد کرکے  ملزم گرفتار کیا۔موٹر وے پولیس نے موٹر وے ایم تھری پر ننکانہ صاحب کے قریب کروڑوں روپے مالیت کی منشیات پکڑ لی ‘مبڑیال سیالکوٹ انٹرنیشنل ائیرپورٹ پر بحرین جانے والے مسافر سے 920 گرام ہیروئن برآمد کر لی‘ شاہ پور سرگودھا کا رہائشی مسافر ملزم حق نواز گلف ائر لائن کی فلائٹ سے بحرین جا رہا تھا کہ دوران تلاشی بیگ سے ہیروئن برآمد ہوگئی۔