ہٹیاں بالا(اعجاز احمد میر،نمائندہ نوائے وقت ) ضلع جہلم ویلی کی یونین کونسل چکوٹھی کے علاقہ سربن کی ڈھوک کھوئیاں میں ظالم درندوں نے کلہاڑیوں کے وار کر کے بے زبان تین گائیں زخمی کردیں،عوام میں سخت غم وغصہ،حکام سے فوری ملزمان کے خلاف سخت قانونی کارروائی کا مطالبہ۔تفصیلات کے مطابق چناری سے ملحقہ سربن کی ڈھوک کھوئیاں کے مقام پر نامعلوم افراد نے ممبر یونین کونسل چکوٹھی چوہدری جہانگہر بدر ولد جمال دین کی ایک اور اکبر دین ولد ستار محمد کی دو گائے کو کلہاڑیوں کے پہ در پہ وار کر کے شدید زخمی کردیا،پاکستان میں ظالم شخص کی طرف سے اونٹ کی ٹانگ کاٹنے کے بعد آزاد کشمیر کے ضلع جہلم ویلی کے علاقہ سربن میں تین گائے کو نامعلوم افراد کی طرف سے کلہاڑیوں سے زخمی کرنے کے بعد عوام میں شدید غم وغصہ کی لہر دوڑ گئی ہے۔