لاہور(سپورٹس رپورٹر) عالمی ٹی 20 کپ کے پہلے مرحلہ ہی میں شکست سے دوچار ہونیوالی 15 رکنی پاکستان کرکٹ ٹیم کے 9 کھلاڑی واپس وطن پہنچ گئے۔ قومی کپتان بابر اعظم اگلے 2 سے 3 یوم میں واپس پاکستان پہنچ رہے ہیں۔ قومی ٹیم کے 2 کھلاڑی اعظم خان اور حارث روف امریکہ ہی میں رک گئے ہیں جبکہ دیگر 3 کرکٹرز محمد عامر، عماد وسیم اور شاداب خان انگلینڈ میں ڈیرے ڈالنے کا ارادہ رکھتے ہیں۔ دبئی کے راستے واپس وطن آنے والوں میں محمد رضوان، فخر زمان، افتخار احمد، نسیم شاہ، شاہین شاہ آفریدی، محمدعباس آفریدی، عثمان خان، ابرار احمد، اور صائم ایوب شا مل ہیں۔