گوجرانوالہ(نمائندہ خصوصی )تھانہ پیپلز کالونی کی حدود میں ڈاکوئوں نے پٹرولنگ پولیس اہلکاروں پر فائرنگ کر دی ،ڈاکو اندھیرے کا فائدہ اٹھاتے ہوئے فرار ہو گئے، پولیس نے مقدمہ درج کر لیا، بتایا گیا ہے کہ پٹرولنگ پولیس پپلی والہ کے اہلکار گشت کر رہے تھے کہ فیروزوالہ پل کے قریب موٹر سائیکل سوار دو مشکوک افراد کو چیک کرنے لگے تو انہوں نے پولیس گاڑی پر فائرنگ کر دی تمام اہلکار معجزانہ طور پر محفوظ رہے اس دوران پوٹرولنگ پولیس اہلکاروں نے بھی جوابی فائرنگ کی مگر ڈاکو فرار ہو گئے تاہم تھانہ پیپلز کالونی پولیس نے مقدمہ درج کر لیا ۔