شیخوپورہ (نمائندہ نوائے وقت+ نمائندہ خصوصی+ نامہ نگار خصوصی)متعدد وارداتوں میں کئی شہری لٹ گئے۔ تھانہ ماڈل سٹی اے ڈویژن کے علاقہ آفیسرکالونی میں گھر کی دہلیز پر بنک سے رقم لیکر پہنچنے والے تاجر شفیق سے ڈاکوؤں نے ایک لاکھ روپے چھین لئے اور مزاحمت پر ڈاکوؤں نے فائرنگ کر کے زخمی کر دیا ۔ زخمی کو ریسکیواہلکاروں نے ہسپتال منتقل کردیا، اسی تھانہ کی حدود گھنگ روڈ گلی نمبر 2 میں دوران ڈکیتی مزاحمت پر فائرنگ سے جنید زخمی ہو گیا۔ 2 ڈاکو موبائل اورنقدی چھین کرفرار ہو گئے، تھانہ صدرشیخوپورہ کے علاقہ سیم پل کے قریب عدیل سے 60 ہزار ر وپے ‘ موبائل‘ خانپور نہر کے قریبی گاؤں نوکریاں کے قریب موٹرسائیکل سوارڈاکوؤں نے آٹورکشہ سوار ساؤن اوراسکی اہلیہ کو روک کر 50ہزارروپے چھین لئے، نظام پورہ کے قریب ڈاکوؤں نے اعظم سے 20 ہزار روپے اور طلائی انگوٹھی چھین لی۔ ساجووال کے قریب ڈاکو طلحہ سے لیپ ٹاپ، 3 لاکھ رروپے ‘ موبائل اور قیمتی سامان لے گئے۔ تھانہ ہاؤسنگ کالونی کے علاقہ جوئیانوالہ موڑ کی آبادی میں شعبان کی پان سیگریٹ کی دکان میں گھس کر 4ڈاکوؤں نے 50 ہزارروپے‘ موبائل اور سیگریٹ کے ڈنڈئے چھین لئے ‘ ریلوئے سٹیشن فاروق آباد کے قریب ڈاکوؤں نے شبیر چراغ کو یرغمال بنا کر10ہزاروپے ‘ موٹرسائیکل ‘ اے ٹی ایم اور موبائل چھین لیا ۔