کراچی: لوڈشیڈنگ کیخلاف کئی علاقوں میں مظاہرے، ٹریفک بلاک
کراچی (نوائے وقت رپورٹ) مختلف مقامات پر بجلی کی بندش کے خلاف علاقہ مکین سراپا احتجاج بن گئے۔مظاہرین نے سڑکیں بلاک کر دیں۔ تفصیلات کے مطابق ابوالحسن اصفہانی روڈ اور لیاقت آباد میں بجلی کی بندش کے خلاف مظاہرین سراپا احتجاج بن گئے۔ مظاہرین نے کے الیکٹرک کے خلاف شدید نعرے بازی کی جبکہ سڑکوں کو بند کردیا گیا جس کی وجہ سے ٹریفک کی روانی بھی متاثر رہی۔ پولیس نے دوسرے علاقوں کی طرف رُخ موڑ کر ٹریفک کی روانی بحال رکھنے کی کوشش کی۔
