شیخوپورہ (نمائندہ خصوصی) بانی چیئرمین تحریک انصاف کی کال پر شیخوپورہ میں بھی ریلی نکالی گئی جس کی قیادت ارکان صوبائی اسمبلی چودھری طیاب راشد سندھو ایڈووکیٹ، چودھری اویس عمر ورک نے کی۔ ریلی ڈیرہ چودھری راشد محمود سندھو سے شروع ہوکر بھکھی روڈ پہنچ کر اختتام پذیر ہوئی۔ اس موقع پر ارکان اسمبلی نے کہاکہ ظلم کی سیاہ رات جب چھٹے گی تب ہی نظام اور حالات میں بہتری آئیگی 16ماہ کی پی ڈی ایم حکومت کے بعد پی ڈی ایم ٹو جو عوام پر ظلم کے پہاڑ توڑ رہی ہے۔ قوم ایک وقت کی روٹی سے عاجز آچکی ہے۔ مقررین نے کہا کہ جعلی مینڈیٹ والے حکمرانوں کی چھٹی کرا کے ہمیں حق دیا جائے۔ شرکاء نے نعرے  بھی لگائے۔