فیصل آباد(نمائندہ خصوصی) اوباش افراد نے سبز باغ دکھا کر 5 خواتین اور ایک نوجوان کو اغواء کر لیا‘ پیپلزکالونی کے رہائشی شہزاد نے بتایا کہ اسکی جواں سالہ اہلیہ (ک) گھر سے خریداری کرنے بازار گئی واپس نہ آئی‘ ملت ٹائون 202 رب کے رہائشی نور احمد کی بیٹی (ش)‘ تھانہ فیکٹری ایریا کے علاقہ ریلوے کالونی کی کوثر بی بی کی بیٹی (ث) اور فرحت بی بی کی بیٹی (ت) اور تھانہ صدر جڑانوالہ روڈ کے رہائشی طارق کا کہنا ہے کہ اسکی اہلیہ (م) کو گھر سے بازار جاتے ہوئے نامعلوم ملزمان اغواء کر کے لے گئے جبکہ چک جھمرہ کے علاقہ 108 ج ب کے رہائشی لیاقت علی نے بتایا کہ اس کا جواں سالہ بیٹا عدیل گھر سے سودا سلف لینے گیا واپس نہ آیا، تلاش کرنے کے باوجود بھی کہیں سراغ نہ مل سکا۔