لاہور(سپورٹس رپورٹر) بھارت نے جنوبی افریقا ویمن ٹیم کو تین ون ڈے میچوں کی سیریز میں وائٹ واش کردیا۔ بنگلورو میں سیریز کے تیسرے اور ا?خری ون ڈے انٹرنیشنل میچ بھی بھارتی ویمن ٹیم نے مہمان ٹیم کو 6 وکٹوں سے شکست دیدی۔جنوبی افریقہ کی ویمن ٹیم نے ٹاس جیت کر 8 وکٹوں کے نقصان پر 215 رنز بنائے تھے۔جواب میں بھارتی ٹیم نے 216 رنز کا ہدف 40.4 اوورز میں 4 وکٹوں کے نقصان پر حاصل کرلیا۔ سمرتی مندھانا 90 اور ہرمن پریت کور 42 رنز کیساتھ نمایاں رہیں۔ پریا پونیا نے 28 اور شفالی ورما نے 25 رنز بنائے۔۔دونوں ٹیموں کے درمیان واحد ٹیسٹ میچ 28 جون سے 1 جولائی تک چنئی میں کھیلا جائیگا جبکہ تین ٹی 20 میچز پر مشتمل سیریز کے میچز 5 سے 7 جولائی تک ہوں گے۔