لاہور(سپورٹس رپورٹر)سابق انگلش کپتان مائیکل وان نے گزشتہ سال ورلڈکپ میں پاکستان کو اور اب ٹی20ورلڈکپ میں آسٹریلیا کو شکست دینے والی افغانستان ٹیم کو ایشیا کی دوسری بہترین کرکٹ ٹیم قرار دیدیا۔ مائیکل وان نے کہا کہ افغانستان کی کرکٹ ٹیم پاکستان اور سری لنکا سے کافی بہتر ہے۔ آئی سی سی مینز ٹی ٹوئنٹی ورلڈ کپ میں سپر 8مرحلے کے میچ میں افغانستان نے آسٹریلیا کو 21رنز سے شکست دے کر تاریخ رقم کردی۔افغانستان نے پہلی بار آسٹریلیا کو شکست کا مزہ چکھایا۔آسٹریلیا کیخلاف شاندار کامیابی کے بعد سابق انگلش کپتان مائیکل وان نے افغانستان ٹیم کی تعریف کی اور راشد خان کی کپتانی کو بھی سراہا۔