لاہور(سپورٹس رپورٹر)انٹرنیشنل کرکٹ کونسل کے زیر اہتمام ویسٹ انڈیز اور امریکہ میں جاری نواں آئی سی سی مینز ٹی 20ورلڈ کپ کے دونوں سیمی فائنلز آج کھیلے جائیں گے۔ ٹورنامنٹ کا پہلا سیمی فائنل میچ جنوبی افریقہ اور افغانستان کے درمیان آج ٹرینیڈاڈ میں کھیلا جائیگا  ۔  ٹاس پاکستانی وقت کے مطابق صبح 5 بج کر 30 منٹ پر ہوگا۔  دوسرا سیمی فائنل دفاعی چیمپئن انگلینڈ اور بھارت کے درمیان  گیانا میں آج ہی کھیلا جائیگا۔ میچ کا ٹاس پاکستانی وقت کے مطابق شام 7بج کر 30 منٹ پر ہوگا۔بھارتی ٹیم کو  روہت شرما جبکہ انگلینڈ کی ٹیم کو جوز بٹلر لیڈ کر رہے ہیں۔ ٹی ٹونٹی ورلڈکپ کے سیمی فائنلز کیلئے میچ آفیشلز کا اعلان کر دیا۔پہلے سیمی فائنل میں رچرڈ ایلنگ ورتھ اور نتن مینن آن فیلڈ امپائر ہوں گے جبکہ رچرڈ کیٹلبرو ٹی وی امپائر اور احسن رضا فورتھ امپائر کی ذمہ داریاں نبھائیں گے۔ دوسرے سیمی فائنل میں کرس گیفنی اور روڈنی ٹکر آن فیلڈ امپائر ہونگے جبکہ جوئل ولسن ٹی وی امپائر اور پال رائفل فورتھ امپائر کی ذمہ داریاں نبھائیں گے۔