فیصل آباد(نمائندہ خصوصی) تھانہ سرگودھا روڈ اسلام نگر میں مبینہ پولیس مقابلے کے دوران دو طرفہ فائرنگ سے 2 ڈاکو ہلاک جبکہ 2 ڈاکو فرار ہوگئے۔ واردات کے بعد فرار ہوتے چار ڈاکوئوں کا ڈولفن فورس پیچھا کررہی تھی کہ تھانہ سرگودھا روڈ اسلام نگر میں ڈاکو بند گلی میں پھنس گئے اور ڈاکو ایک گھر میں داخل ہوکر چھت پر چڑھ گئے اور ڈولفن پولیس پر فائرنگ شروع کردی۔ پولیس کی جوابی فائرنگ میں 2 ڈاکو موقع پر ہی جاں بحق ہوگئے۔ جبکہ دو ڈاکو موٹر سائیکل چھوڑ کر فرار ہونے میں کامیاب ہوگئے۔پولیس مقابلے میں ہلاک ایک ڈاکو کی شناخت اختر علی کے نام سے ہوگئی ۔