لاہور ہائیکورٹ کے مستقل چیف جسٹس کی تعیناتی، جوڈیشل کمیشن کا اجلاس 2جولائی کوطلب
لاہور (نوائے وقت رپورٹ) لاہور ہائیکورٹ کے مستقل چیف جسٹس کی تعیناتی کے معاملے پر چیف جسٹس پاکستان نے جوڈیشل کمشن کا اجلاس 2 جولائی کو طلب کر لیا۔اجلاس میں قائم مقام چیف جسٹس لاہور ہائیکورٹ جسٹس شجاعت علی خان کو بطور مستقل چیف جسٹس تعینات کرنے پر غور ہو گا، لاہور ہائیکورٹ کے سینئر ترین جج جسٹس علی باقر نجفی اور جسٹس عالیہ نیلم کے ناموں پر بھی غور ہو گا۔اجلاس کی صدارت چیف جسٹس پاکستان جسٹس قاضی فائز عیسیٰ کریں گے، اجلاس میں جوڈیشل کمیشن کے ممبران جسٹس منیب اختر، جسٹس امین الدین خان، جسٹس سردار طارق مسعود شرکت کریں گے۔
