شیخوپورہ (نمائندہ خصوصی) ایس ای لیسکو سرکل شیخوپورہ نجم الحسن کی ہدایات پر ایکسین سٹی ڈویژن عامر نواز کی زیر نگرانی ایس ڈی او فورٹ سب ڈویژن سید عزازاللہ نے لائن سپریڈنٹ محمد شفیق لائن سپریڈنٹ ، طارق انجم ، عابد رشید چیئرمین سب ڈویژن میٹر انسپکٹر برکت علی نیئر، محمد بابر سرویلنس ٹیم کے ہمراہ اور سٹاف نے مختلف علاقوں میں چھاپے مارے جن میں جنڈیالہ روڈ ، معراج پورہ ، منصور آباد، بدرور روڈ ، فاروق نگر، مسلم کالونی ، حسن پارک، عیسی نگری شامل ہیں بجلی چوروں کے خلاف کاروائیاں کرتے ہوئے تقریبا 48 بجلی چور پکڑے جو ڈائریکٹ ایل ٹی لائن سے میٹر ٹمپرنگ اور دوسرے ذرائع سے بجلی چوری کرتے تھے ان کو ڈی بل کی شکل میں 60 ہزار یونٹ ڈالے گے جن کی مالیت 36 لاکھ روپے بناتے ہیں اور متعلقہ تھانے میں بجلی چوروں کے خلاف ایف آئی آر کا بھی اندراج کرایا ہے۔ایس ای لیسکو سرکل شیخوپورہ نجم الحسن‘ ایکسین عامر نواز سٹی ڈویژن کا مزید کہنا تھا کہ بجلی چور قومی مجرم ہے جو کسی رعایت کے مستحق نہیں ہیں ۔ بلا تفریق و دباؤ کے بغیر بجلی چوروں کے خلاف کاروائیوں میں تیزی لائی جا رہی ہے ۔