لاہور(سپورٹس رپورٹر) پاکستان کے حمزہ خان نے اسلام آباد میں ہونیوالی ایشین جونیئر سکواش چیمپئن شپ جیت لی۔ اسلام آباد میں 31 ویں ایشین جونیئر سکواش چیمپئن شپ میں انڈر 19 کا فائنل ٹاپ سیڈ حمزہ خان اور ملائشیا کے سیڈ نمبر 3 حارت دانیال کے درمیان ہوا جس میں پاکستانی کھلاڑی نے باآسانی 35 منٹ میں کامیابی حاصل کرلی۔ انڈر 17 کے فائنل میں پاکستان کے عبداللہ نواز کو شکست کا سامنا کرنا پڑا۔ عبداللہ کو ملائیشیا کے نکھلیسور نے 2-3 سے شکست دی۔