ساہیوال (نمائندہ نوائے وقت)5سالہ لخت جگر کو بچاتے ہوئے ماں بچے سمیت ٹرین کی زد میں آ کر جاں بحق۔ اڈہ گیمبر کے قریب 5سالہ بچہ حیدر کھیلتے ہوئے ریلوے پٹٹری پر چلا گیا۔ اس دوران کراچی سے لاہور جانے والی پاک بزنس ایکسپریس آ گئی ۔ جب حیدر کی ماں سیما بی بی نے دیکھا تو وہ اپنے لخت جگر کو بچانے کیلئے دوڑی تو دونوں ماں بیٹا ٹرین کی زد میںآ کر جاں بحق ہو گئے۔ ریسکیو 1122 اوکاڑہ اور تھانہ یوسف والا پولیس کی ٹیمیں پہنچیں اور پولیس نے ضروری کارروائی کے بعد دونوں کی لاشیں ورثاء کے سپرد کر دیں۔