بلاول بھٹو سے نیویارک سٹیٹ کے ڈپٹی سپیکر، پبلک افیئرز کمیٹی کی ملاقات
کراچی +اسلام آباد(نوائے وقت رپورٹ+نمائندہ خصوصی) پیپلزپارٹی کے چیئرمین بلاول بھٹو زرداری سے نیویارک سٹیٹ کے ڈپٹی سپیکر فلپ راموس نے ملاقات کی۔ چیئرمین بلاول بھٹو زرداری سے امریکن پاکستانی پبلک افیئرز کمیٹی کے وفد نے بھی ملاقات کی، چیئرمین بلاول بھٹو کے ہمراہ وزیراعلیٰ سندھ مراد علی شاہ بھی تھے، بلاول بھٹو سے ملاقات کرنے والوں میں امریکن پاکستانی پبلک افیئرز کمیٹی کے چیئرمین ڈاکٹر اعجاز احمد شامل تھے۔امریکن پاکستانی پبلک افیئرز کمیٹی کے صدر امتیاز راہی، ڈائریکٹر ڈاکٹر پرویز اقبال اور نیویارک چیپٹر کے صدر طارق خان بھی ملاقات میں شامل تھے، چیئرمین بلاول بھٹو کا نیویارک سٹیٹ کے ڈپٹی سپیکر فلپ راموس سے باہمی دلچسپی کے امور پر تبادلہ خیال کیا۔ چیئرمین بلاول بھٹو کو امریکن پاکستانی پبلک افیئرز کمیٹی کے وفد نے پاکستانی کمیونٹی کے مسائل سے آگاہ کیا۔
