لاہور(نامہ نگار)شہر کے مختلف علاقوں میں ڈاکوئوں اورچوروں نے ڈکیتی ‘ چوری کی متعدد وارداتوں میں شہریوں سے لاکھوں روپے مالیت کی نقدی، زیورات، موبائل فون، موٹر سائیکلیں ،گاڑیاں دیگرسامان لوٹ لیا۔ ڈاکوؤں نے شاہدرہ ٹاؤن میں عتیق کے گھر میں گھس کراہلخانہ کو گن پوائنٹ پر یرغمال بنا کر 5 لاکھ19ہزار ‘ زیوارات،موبائل فون دیگر سامان،ماڈل ٹاؤن میں مسعود کی فیملی سے ساڑھے 3 لاکھ‘ زیوارات‘ موبائل فون‘ساندہ میں توصیف سے 70 ہزار‘ موبائل فون،سمن آباد میں جواد سے 30 ہزار‘ موبائل فون،برکی میں حسیب سے 75 ہزار‘ موبائل فون،کوٹ لکھپت میں احمدسے 60 ہزار‘ موبائل فون،گارڈن ٹاؤن میں عامر سے 20 ہزار‘ موبائل فون،گڑھی شاہو میں فہد سے 15 ہزار‘ موبائل لوٹ لیا۔چوروں نے نصیر آبادمیں فرقان سے4 لاکھ 58 ہزار‘زیورات دیگر سامان چوری کر لیا ۔چوروں نے ماڈل ٹاؤن،جنوبی چھاؤنی ‘جوہر ٹاؤن سے تین گاڑیاں جبکہ مسلم ٹاؤن،اچھرہ،نواں کوٹ،راوی روڈ،کاہنہ،شاہدرہ، کوٹ لکھپت، سندر اور سبزہ زار کے علاقوں سے 9 موٹر سائیکل چوری کرلئے۔