ننکانہ میں ٹرک کی ٹکر سے موٹرسائیکل سوار میاں بیوی جاں بحق
ننکانہ صاحب( نامہ نگار) تیز رفتار ٹرک کی موٹرسائیکل کوٹکر سے میاں بیوی جاں بحق ہوگئے‘ ٹرک ڈرائیور کوگرفتار کرلیا۔ نواحی گائوں ہفت مدر کارہائشی 55سالہ اکبر وسیر اسکی بیوی مختاراںبی بی کے ہمراہ موٹر سائیکل نمبرLER-18-5762پر ننکانہ صاحب آرہاتھا کہ ننکانہ مانگٹانوالہ روڈ پر مینار پاکستان چوک میں تیز رفتار ٹرک نمبرC-1428نے موٹر سائیکل سوارمیاں بیوی کو کچل ڈالااکبر موقعہ پر ہی جاں بحق ہوگیاجبکہ اسکی 45سالہ بیوی مختاراں بی بی کو ریسکیو1122کے عملہ نے ڈسٹرکٹ ہیڈ کوارٹر ہسپتال منتقل کیا جہاں وہ زخموں کی تاب نہ لاتے ہوئے دم توڑ گئی۔ پولیس نے ٹرک ڈرائیور عبد الروف ہنجرا کو گرفتار کرلیاجو 40موڑ جڑانوالہ ضلع فیصل آباد کا رہائشی ہے۔
