لاہور (خبرنگار) ہائیکورٹ کی جسٹس عالیہ نیلم کی سربراہی میں دو رکنی بینچ نے آئی جی پنجاب سمیت پولیس افسروں کیخلاف توہین عدالت کی درخواست پر سماعت11 جولائی تک ملتوی کردی۔ پنجاب حکومت کے وکیل نے تحریری جواب عدالت میں جمع کروا دیا۔ سابق وفاقی وزیر فواد چوہدری نے درخواست میں موقف اپنایا کہ کیسوں کی تفصیلات کیلئے لاہور ہائیکورٹ سے رجوع کیا، پولیس نے کیسوں کی مکمل تفصیلات فراہم نہیں کیں۔