لاہور(سپورٹس رپورٹر) آسٹریلوی کوچ شینن ینگ نے ہائی پرفارمنس کرکٹرز کو پاکستان لانے کا اعلان کردیا۔ شینن ینگ نے بابراعظم کو ورلڈ کلاس پلیئر قرار دیدیا اور کہا کہ بابر کو سپورٹ کم ملتی ہے اور تنقید زیادہ ہوتی ہے، میں نے پہلے کراچی میں چار روز گزارے پھر چار روز کیلئے لاہور آیا۔انہوں نے کہا مقصد یہ ہے کہ پاکستان میں ہائی پرفارمنس آسٹریلوی کرکٹرز کو لایا جائے، نوجوان کرکٹرز کو آئندہ برس اپریل میں لانے کا پلان کررہے ہیں، ماضی میں کئی مرتبہ کرکٹرز کیساتھ بھارت کا ٹور کر چکا ہوں، میں نے ہمیشہ پاکستان آنا چاہا اور اب مجھے موقع مل رہا ہے۔ آسٹریلوی کرکٹرز کو پاکستان پسند ہے، کرکٹ کیلئے ایک دو دوروں کیلئے پر امید ہوں، ماڈرن ڈے کرکٹ اور ٹی ٹونٹی کرکٹ کی وجہ سے پاور ہٹنگ کوچنگ کی طرف جا رہے ہیں، لاہور میں مجھے ایک کپتان سے ملنے کی امید تھی لیکن میں نے دو کپتانوں سے ملاقات کی۔