قصور (نمائندہ نوائے وقت)ڈی پی او قصور محمد عیسٰی خاں کی خصوصی ہدایت پر پولیس نے گرینڈ سرچ آپریشن کرتے ہوئے 18 ملزموں کو گرفتار کر کے مقدمات درج کر لئے گئے۔ ملزموں کے قبضہ سے لاکھوں روپے نقدی، موٹر سائیکلز، رکشہ و دیگر سامان برآمد کیا گیا۔ گرفتار کیے گئے ملزموں میں 5 کیخلاف منشیات کے مقدمات در ج کر کے 10 کلو چرس برآمد کی گئی، 2 اشتہاریوں سمیت 5 مجرموں کو گرفتار کیا گیا اس کے علاوہ ناجائز اسلحہ کے 7 مقدمات درج کر کے 5 پسٹل‘ 2 رائفل اور گولیاں برآمد کی گئیں،ایک ڈاکو بھی گرفتار کیا گیا اور ڈاکو کے قبضے سے 4 چوری شدہ موٹر سائیکلز، ایک رکشہ و دیگر سامان برآمد کیا گیا۔ گرینڈ آپریشن میں ڈی ایس پی سٹی سیف اللہ بھٹی،ایس ایچ او وحید عارف سمیت تھانوں کی نفری، سی آئی اے سٹاف اور ایلیٹ فورس کے جوان شامل تھے۔80کے قریب مشکوک گھروں کو چیک کیا گیا۔