لاہور(سپورٹس رپورٹر) پاکستان کرکٹ بورڈ کے چیئرمین محسن نقوی نے سابق کھلاڑیوں سے لاہور میں ملاقات کی۔ ذرائع کے مطابق ملاقات میں سابق کرکٹرانتخاب عالم، سلیم الطاف، شفیق پاپا، اظہر خان، اقبال قاسم، ہارون رشید، اعجازاحمد، محمدسمیع موجود تھے۔ سرفرازاحمد، عبدالرؤف بھی چیئرمین پی سی بی سے ملاقات کرنیوالوں میں شامل تھے۔ اس کے علاوہ وجاہت اللہ واسطی، یاسرشاہ، یاسرحمید، سلمان بٹ اور دیگرکرکٹرز بھی ملاقات میں شریک تھے۔توصیف احمد کا چیئرمین پی سی بی سے ملاقات کرنیوالے سابق کرکٹرز کی فہرست میں شامل نہ کرنے پر شکوہ ذرائع کے مطابق سابق کرکٹرز نے چیئرمین پی سی بی کو کرکٹ کی بہتری کیلئے تجاویز دیں۔ خیال رہے کہ ڈومیسٹک کرکٹ کی بہتری سے متعلق چیئرمین پی سی بی نے سابق کرکٹرز کو مدعو کیا۔