لاہور(سپورٹس رپورٹر) پاکستان کرکٹ بورڈ کے چیئرمین محسن نقوی کی قومی ٹیم کے کوچز سے ملاقات ہوئی ہے۔ ملاقات میں وائٹ بال ہیڈ کوچ گیری کرسٹن اور اسسٹنٹ کوچ اظہر محمود شامل تھے۔ ذرائع کے مطابق ملاقات میں آئی سی سی ٹی 20 ورلڈ کپ میں قومی کرکٹ ٹیم کی ناقص کارکردگی کی وجوہات زیر بحث آئیں۔ کوچز کی تجاویز کی روشنی میں قومی ٹی 20 ٹیم میں تبدیلیاں کی جائے گئیں۔ قومی ٹیم کے کپتان کی تبدیلی کا فیصلہ بھی کوچز اور سابق کرکٹرز کی رائے کے بعد کیا جائے گا۔ چیئرمین پی سی بی محسن نقوی ریڈ بال ہیڈ کوچ جیسن گلیسپی سے بھی ملاقات کررہے ہیں۔ گیری کرسٹن جنوبی افریقہ اور اظہر محمود انگلینڈ سے آج صبح لاہور پہنچے تھے۔