گوجرانوالہ (نمائندہ خصوصی) جرائم  پیشہ عناصر کے خلاف پولیس کی کارروائی ، دو ملزمان کو گرفتار کرکے ان کے قبضہ سے چھ رائفل12 بور معہ بارہ میگزین،دس 30بور رائفل معہ بیس عدد میگزین، اٹھارہ پسٹل 30بور معہ چھتیس عدد میگزین،گیارہ سو اسی  SMGگولیاں اور ایک CNGرکشہ برآمد کرلیا۔گرفتار کیے گئے ملزمان  میں محمد حسن اور انیس اکبر شامل ہیں۔پولیس ٹیم نے بدنام زمانہ منشیات فروش شاہد اقبال عرف شاہد ملتانی کو گرفتار کر لیا۔دوران تفتیش ملزم کے قبضہ سے چھ کلو دوسو اسی گرام چرس ا ور چھ سو ستر گرام افیون برآمدکر لی۔دوران تفتیش ملزم نے انکشاف کیا کہ وہ اندرون گوجرانوالہ اور اس کے مضافات میں منشیات فروشی کے دھندے میں ملوث  رہا ہے۔ملزم سے مزید تفتیش جاری ہے۔