قلعہ دیدار سنگھ(نمائندہ خصوصی)گھریلو جھگڑے میں مداخلت پر گولی لگنے سے 20 سالہ نوجوان جاں بحق ہوگیا،زوہیب گلی سے گزر رہا تھا ملزمان سگے بھائی زکریا اور طلحہ وغیرہ جھگڑا کر رہے تھے،زوہیب نے سمجھانے کی کوشش کی ملزمان نے گولی مار دی،مقدمہ درج،2ملزمان گرفتار آلہ قتل بھی برآمد۔تفصیلات کے مطابق پولیس سرکل قلعہ کے تھانہ قلعہ دیدارسنگھ کے علاقہ محلہ جعفریہ کا رہائشی 20سالہ زوہیب گلی سے گزر رہا تھا کہ سگے بھائی زکریا، طلحہ اور اسامہ اپنے رشتہ دار لڑکیوں سے جھگڑا کررہے تھے،زوہیب نے منع کیا تو ملزمان طیش میں آکر گولی مار دی جو زوہیب کی گردن میں لگ گئی۔ جسے زخمی حالت میں ہسپتال پہنچایا گیالیکن وہ جانبر نہ ہوسکا، پولیس نے ملزمان زکریا ور طلحہ کو گرفتار کرکے آلہ قتل بھی برآمد کرلیا۔جبکہ تیسرے ملزم اسامہ کی تلاش جاری ہے۔پولیس نے مقتول زوہیب کے چچا فیصل محمود کی مدعیت میں مقدمہ درج کرکے نعش کو پوسٹ مارٹم کیلئے بھیج دیا ہے،معلوم ہوا ہے کہ ملزمان کا زوہیب سے اس سے قبل بھی تنازعہ چلا آرہاتھا۔