ڈی آئی خان، ڈاکوؤں نے کیش وین ڈرائیور، 3 گارڈ سمیت اغوا کر لی
ڈی آئی خان (نوائے وقت رپورٹ) ڈیرہ اسماعیل خان میں 80 لاکھ روپے سے زائد کی ڈکیتی کی واردات ہوئی ہے۔ پولیس کے مطابق درابن روڈ پر سگو کے قریب اغوا کاروں نے راکٹ لانچر دکھا کر نجی کمپنی کی کیش وین کو روکا اور وین عملے کو اغوا کر کے لے گئے۔ پولیس نے بتایا اغوا کار کیش وین کو عملے سمیت کلاچی کی طرف لے گئے جبکہ وین میں ڈرائیور اور تین سکیورٹی اہلکار موجود تھے۔ گاڑی میں دو بینکوں کا کیش تقریباً 80 لاکھ روپے سے زائد موجود تھے۔
