لاہور(سپورٹس ر پورٹر)پاکستان بلائنڈ کرکٹ کونسل افغانستان میں بلائنڈ کرکٹ کے فروغ میں مدد کریگا۔پاکستان بلائنڈ کونسل کے چیئرمین سید سلطان شاہ نے بتایا کہ پاکستان کے دو کوچز آئندہ ماہ افغانستان جائیں گے۔ 35 کھلاڑیوں اور تین کوچز کو تربیت دیں گے، افغانستان کو ورلڈ بلائنڈ کونسل نے عبوری ممبر شپ دے دی ہے۔ آن لائن ورلڈ بلائنڈ کرکٹ کونسل کی ایگزیکٹو کمیٹی کے اجلاس میں یہ فیصلہ کیا گیا۔پاکستان بلائنڈ کرکٹ کونسل نے افغانستان میں کھیل کے فروغ کیلئے اپنی خدمات پیش کیں۔پاکستان میں نومبر میں ہونے والے بلائنڈ کرکٹ ورلڈ کپ میں افغانستان کو شرکت کی دعوت دی جاسکتی ہے۔